Личные блоги педагогов

Счетчик посещений

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterСегодня169
mod_vvisit_counterВчера156
mod_vvisit_counterЗа эту неделю1552
mod_vvisit_counterЗа неделю2382
mod_vvisit_counterЗа этот месяц4132
mod_vvisit_counterЗа месяц10561
mod_vvisit_counterВсе дни750802

У нас есть: 7 гостей, 1 ботов online
Ваш IP: 54.227.186.112
Сегодня: Дек 13, 2018

Регистрационное св-во

Регистр. св-во в НИРУП «ИППС»
№4141711562 от 17.04.2017

Регистр. св-во в БелГИЭ
№143552 от 20.02.2018

Этнасад сустрэне вас PDF Печать E-mail
Автор: Администрация   
19.12.2013 17:09

 

Ірына ВОЙТКА, загадчык ДУА» Яслі-сад №3 г.Слоніма»

 

Наш дэвіз:
• Кожную раніцу —- прывітанне і пажаданне дабра на роднай мове.
• Кожны дзень — новае слова, прыказка, верш, загадка па-беларуску.
• Кожны дзень — беларуская народная казка. 
• Кожны дзень — народныя гульні, танцы. музыка, песні.
• Ні аднаго дня без роднай мовы.

 

Пачуццё Радзімы — адно з самых магутных у кожным чалавеку. Вочы матулі, яе усмешка, яе цёплая далонь на тваёй дзіцячай галаве, і дарога дадому, і твае сябры, і проста людзі, з якімі ты жыў побач, і тыя песні, і тыя словы, якія ты чуў: гэта яна, твая Радзіма. І ты ведаў, што тут, як побач з маці, табе заўсёды ўтульна і спакойна... Гэта тое шчасце, якое даруе кожнаму яго Радзіма, — шчасце жыць тут, дзе нарадзіўся. Яна як маці, аддасць табе ўсё, што мае: і прасторы, і мову, і песню. Жыві! І забыцца на гэта роднае, усё, што ад Радзімы тваёй, — усё адно што забыцца на маці сваю, цяпер, калі ты дужы і моцны, а яна, узрасціўшы цябе, усе адно жыве табою.


ПРЫКЛАДНА такімі словамі пачынаюцца ў ДУА "Яслі-сад № 3 г. Слоніма" гутаркі з
дзецьмі аб Радзіме, аб дабрыні, аб чалавечнасці.
Інакш і не можа быць. А яшчэ... Яшчэ гучаць яны вельмі мілагучна, на мове нашай з вамі зямлі, па-беларуску:

О, роднае слова,
Ты люба і міла.
Ты сэрца сабою
Маё паланіла.
Як ты зразумела
I шчыра, і блізка
Матуля, сцяжынка,
Вясёлка, калыска. 
(Ірына Войтка.)

 


I нам не аднойчы пашчасціла назіраць, з якім трапяткім хваляваннем стукалі дзіцячыя сэрцы ад адкрыцця нечага светлага, чыстага, высакароднага — адкрыцця Радзімы.
У век дзелавой лексікі і камп'ютэрных тэхналогій гэтаму трапяткому пачуццю і роднаму слову ёсць сваё пачэснае месца.
Вызначальным накірункам развіцця  ДУА” Яслі-сад№3 г.Слоніма” з'яўляецца далучэнне дзяцей да вытокаў беларускай культуры, вывучэнне і выкарыстанне лепшых традыцый народнай педагогікі, фальклору, народных традыцый у выхаванні дзяцей. Педагагічны працэс ажыццяўляецца на беларускай мове, якой авалодалі ўсе нашы спецыялісты. Дакументацыя дзіцячай дашкольнай установы таксама вядзецца на беларускай мове.


У аснове адукацыйнай работы яслей-сада вызначаны прынцып цеснай узаемасувязі нацыянальнага і агульначалавечага ў выхаванні дзяцей. Гэтая ж задача вызначана і вучэбнай праграмай дашкольнай адукацыі, па якой працуе дашкольная ўстанова.
Адным з этапаў работы над вырашэннем пастаўленых задач з'яўляецца засваенне адукацыйнага этнамодуля выхаванца і педагога. Ён распрацаваны творчай групай педагогаў для кожнай узроставай групы і ўяўляе сабой пэўныя веды па вучэбнай праграме дашкольнай адукацыі.


Напрыклад, выхаванцы старшай групы павінны засвоіць на роднай мове:
• словы прывітання, падзякі, прабачэння;
• народныя гульні (называць і ўмець у іх гуляць, 5—7 гульняў);
• вершы, лічылкі, загадкі, казкі на беларускай мове, 4—5);
• называць беларускіх пісьменнікаў і іх творы;
• ведаць назву і паходжанне назвы роднага горада;
• назву сваёй дашкольнай установы, яе адрас;
• назву рэспублікі, яе сталіцы, гарады Беларусі;
• назву месяцаў і пор года, прыкметы кожнай пары года.

У рабоце з дзецьмі выкарыстоўваюцца гульні-заняткі і сумесная дзейнасць на роднай мове,  правядзенне народных свят.


Этнамодуль педагога  выглядае наступным чынам:
• веданне праграмных задач раздзела «Развіццё маўлення і культура маўленчых зносін”                        
• праграмных мастацкіх твораў (малыя формы дзіцячага фальклору, вершы (5—6 вершаў на памяць), беларускіх народных казак);
• не менш пяці беларускіх народных гульняў;
• ведаць прыказкі і прымаўкі (аб порах года, аб хлебе, аб працы, аб дабрыні);
• загадкі ( тэматыка розная);
• лічылкі;
• назву новых ( беларускіх) тэхналогій і іх аўтараў;
• распрацаваць фрагмент заняткаў, выкарыстоўваючы тэхналогію ТРВЗ на матэрыяле этнамодуля ( для дзяцей сваёй узроставай групы).


Для засваення этнамодуля педагогамі была выкарыстана прыкладная праграма самаадукацыі і метадычныя рэкамендацыі да яе — «Беларуская народная педагогіка ў дзіцячай дашкольнай установе», распрацаваная творчым калектывам БДПУ імя М.Танка.
3 мэтай засваення этнамодуля педагогамі ажыццяўлялася наступная метадычная работа: кансультацыі, семінары, пасяджэнні творчай групы.

I нам прыемна адзначыць супрацоўнікаў ясляў-сада, якія далучаюць да крыніц роднай культуры сваіх выхаванцаў.

Гэта выхавальнікі:

Купрыянчык Валянціна Уладзіміраўна

Лясота Вольга Юр'еўна,

Ленец Анастасія Анатольеўна,

Лобкіна Людміла Анісімаўна,

Філітовіч Святлана Паўлаўна.

Музычны кіраўнік Рабцэвіч Дзіна Паўлаўна,

кіраўнік фізічнага выхавання Рыбак Святлана Леанідаўна.


У яслях-садзе створаны музейны пакой  «Святліца». Гэта тая навукова-метадычная база, якая дазваляе праводзіць работу па забеспячэнні мадэлі «Этнасад» у комплексе . У студыі сабраны матэрыял па наступных блоках: «Жывапіс Беларусі», «Краязнаўства», «Беларуская народная цацка», «Дэкаратыўна-прыкладное мастацтва», «Мой Слонім», «Метадычны куфэрак» .
3 мэтай павышэння этнапедагагічнай культуры бацькоў працуе бацькоўскі клуб «Буслянка», дзе можна даведацца не толькі пра сямейныя этнапедагагічныя традыцыі беларусаў, іх маральныя запаветы, якія ўвабралі лепшы вопыт папярэдніх пакаленняў, а і навучыцца народным гульням, танцам, нацыянальнай кухні беларусаў.


Добрай традыцыяй у яслях-садзе  стала правядзенне народных свят  «Каляды», «Гуканне вясны» і іншых мерапрыемстваў, рэкамендаваных адукацыйнай праграмай . Каб добрыя набыткі, якія былі закладзены ў дзіцячую свядомасць, працягвалі развівацца і надалей у плане этнасад-этнакалектыў, ажыццяўляецца пераемнасць паміж яслямі-садам №3 і СШ №2 г.Слоніма з музычна-эстэтычным ухілам.

3 верай у тое, што ў яслях-садзе  дзеці атрымліваюць неабходны зарад чалавечнасці, гуманнасці і дабрыні на ўсё далейшае жыццё, мы будзем будаваць наш добры і ўтульны дом — «Этнасад»!

 

 

Обновлено 01.11.2018 09:50
 

Выбор языка сайта

Голосования

Якія метады ў выхаванні Вашага дзіцяці Вы выкарыстоўваеце?
 

Кто на сайте

Сейчас 24 гостей онлайн

Поиск

ГУО "Ясли-сад №3 г.Слонима", Powered by Joomla! and designed by SiteGround web hosting